Игембердиев Тасболат Қырғызбайұлы – Алматы Ұлттық Медициналық колледжінің негізін қалаушысы және директоры. 1966 жылы Алматы облысы, Райымбек ауданында дүниеге келген.
Екі жоғары білімі бар. 1989–1995 жылдары Т.Жүргенов атындағы Алматы мемлекеттік театр және көркемсурет институтында білім алған. Әр жылдары мемлекеттік қызметте, сондай-ақ ірі ұйымдарда басшылық қызметтер атқарған. 2000–2011 жылдары «Парфюмторг» АҚ вице-президенті қызметін атқарды.
2011–2013 жылдары білім беру саласында директордың орынбасары, 2013–2019 жылдары медициналық колледж филиалының директоры қызметтерін абыроймен атқарды.
2020 жылы Алматы Ұлттық Медициналық колледжін ашып, бүгінгі таңда осы оқу орнының директоры қызметін атқарып келеді.
Білікті ұйымдастырушы, тәжірибелі басшы ретінде білім беру жүйесін дамытуға, сапалы мамандар даярлауға ерекше үлес қосып келеді.
